أهم أسباب رفض مطلب فيزا شنغن ، في الأعوام الأخيرة وخصوصا مع الأوضاع الصعبة إلتي نعيشها اليوم مع وباء الكورونا، وصل رفض مطالب الحصول على فيزا شنغن لنسب قياسية.
فلماذا يتم رفض المطلب؟ وماهي الطرق التي وجب إتخاذها للموافقة على التأشيرة السفر لبلدان الاتحاد الأوروبي؟
أهم أسباب رفض مطلب فيزا شنغن:
السّبب 1: جواز السفر:
يترفض الباسبور كيف يبدا مزوّر أو فيه غلطة متعلقة بكتابة اسمك أو حتى صورتك.
السّبب 2: هدف الزيارة ماهوش مبرّر:
هو من أهم أسباب الرفض، خاطر كيف يبدا ما عندكش حجز مسبق في فندق أو شهادة إيواء ما تكونش مقبولة أو راتبك ما يتماشاش مع تكاليف الإقامة إلي اخترتها، يتم رفض مطلب الفيزا.
السّبب 3: المال الكافي:
يترفض مطلبك كيف يبدا ما عندكش ضمانات مالية كافية تسمحلك باش تقضي فترة السفر في بلاد شنغن. من المستحسن يكون راتبك الشهري يفوق 300 دولار شهريا كحد أدنى باش تنجم تسافر مرتاح وتنجم تصرف وتتنقل بكل بأريحية.
تتحقق خدمات القنصلية من أن لديك الوسائل الكافية للسفر والبقاء وتناول الطعام والعودة إلى بلدك الأصلي، أي 65 يورو يوميًا إذا كنت تخطط باش تقعد في الفندق و 33 يورو إذا كنت تقيم.
السّبب 4: تجاوز مدة الفيزا السياحية:
ما لازمكش تقعد أكثر من 90 يوم، صينون يولي الأمر غير قانوني وتنجم تتعرض لغرامة مالية ورفض للفيزا مرة أخرى
في حال تقدمت بمطلب جديد، على هذاكا من المهم جدا احترام مدة الفيزا وصلاحياتها ومغادرة البلاد قبل انتهاء مدة الفيزا الممنوحة.
السّبب 5: تمّ تنبيهك من قبل بشأن رفض الدخول إلى نظام معلومات شنغن (SIS)
وهذا يعني أن المصالح القنصلية قد اعتبرت أنك تمثل خطرًا على الأمن والسلامة في التراب الوطني.
عادة ما يتواجد الأجنبي بشكل عام في الملف هذا إذا كان قد أدين بارتكاب جريمة جنائية يعاقب عليها بالسجن لمدة عام على الأقل.
أو إذا كانت هناك أسباب جدية للاعتقاد بأنه ارتكب أعمالًا خطيرة يعاقب عليها القانون الجنائي.
في الحالة هذي تنجم تستشير اللجنة الوطنية للمعلوماتية والحرية (CNIL) في فرنسا عن طريق البريد باش تعرف ما إذا كانت هويتك بالفعل موضوع تقرير في هذا الملف.
السّبب 6: المشكل الأمني بالمعنى المقصود في المادة 2.19 من اللائحة (EC) رقم 56/2006 (قانون حدود شنغن) ، أو للعلاقات الدولية لدولة أو أكثر من الدول الأعضاء “:
كيف تكون محل شكّ من عند شرطة شرطة الانتربول الدولية، أو مشتبه بيك منخرط في تنظيم إرهابي أو اجرامي بالطبيعة ما يعطيوكش الفيزا.
السّبب 7: التأمين الدولي:
من الضروري تكون ورقة التأمين الدولي/ assurance de voyage حاضرة في مطلب الفيزا ومستوفية الشروط المطلوبة الكل.
السّبب 8: معلومات غير موثوقة:
يعني تقدّم بيانات مشكوك فيها متعلقة بشهادة عمل والدخل الشهري ومدّة الحجز الفندقي وتكون غير منطقية بالمقارنة مع التكلفة المادية لبلاد شنغن.
السّبب 9: البقاء في بلاد شنغن بعد ما توفا الفيزا:
كيف السفارة تشك في نيتك في عدم العودة لموطنك بعد ما توفا فترة الفيزا، وهوني عادة ما يتمّ التدقيق في الوضعية المالية والمهنية للمتقدم بالطلب
(مرتب ضعيف أو متوسط-خبرة مهنية قصيرة- رصيد بنكي ماهوش كاف).
السّبب 10: قانون/ حكم يمنعك من الرجوع للأراضي الفرنسية:
كيف تثّبت السفارة من الأوراق المقدمة ومعطياتك الشخصية وتلقاك تسببّت في مشكلة كيف مشيت قبل لفرانسا، أو تحكمت بالسجن في الأراضي الفرنسية وصدر فيك حكم قضائي.
السّبب 11: المعلومات المقدمة لتبرير ظروف الإقامة غير كاملة أو غير موثوقة
يلزم توّضح مكان الإقامة متاعك في فرنسا بشكل دقيق
السّبب 12: أنت تمثّل خطر على النظام العام/ الأمن العام/ الصحة العامة
خطوات ناجعة باش تتحصل على فيزا شنغن:
ساهل برشا، ما عليك كان تنظّم دوسيك مليح وتحضّر الأوراق التالية:
- أوّل حاجة لازم يكون جواز السفر متاعك ساري المفعول لمدة 6 أشهر على الأقل بعد انتهاء مدة الإقامة في البلاد إلي مسافرلها.
- حضّر 2 تصاور شخصية تكون واضحة وذات خلفية بيضاء.
- مهم ياسر توضح سبب الزيارة للبلد الأوروبي، وما تنساش باش ادعّم زيارتك برسالة دعوة من عند الجهة الي تحب تسافرلها (أصحاب/ أقارب/ جامعة ..)، وعلى قد ما تحدد سبب السفر على قد ما تضمن قبول مطلب الفيزا.
- عندك كشف متاع 3 أشهر لرصيدك البنكي/compte bloqué .
- عندك تأمين صحي في فترة الإقامة في بلاد شنغن، تغطي التأمين الصحي وتأمين العودة إلى الوطن.
- في حال تكون تخدم، يلزمك تحضّر شهادة عمل تتضمن وقتاش بديت تخدم، وقداش مرتبك الشهري والدرجة الوظيفية متاعك. الشهادة هذي لازمها تكون مترجمة باللغة الإنجليزية ومطبوعة من الجهة إلي تخدم معاها.
- في حال تكون طالب/ étudiant، يلزمك تحضر شهادة حضور من الجامعة إلي تقرا فيها ومترجمة للغة الإنجليزية، مع تقديم شهادة الميلاد وشهادة موافقة على السفر من عند الأم أو الأب.
- تعمير مطبوعة الموجودة في سفارة البلاد إلي تحب تمشيلها، وتعمير البيانات على الموقع السفارة الإلكتروني ودفع التكلفة المطلوبة.
- من المستحسن كيف يترفض دوسيك في فيزا شنغن، تعاود تقدّم مطلب جديد في أقرب الأجال (هذا حسب تجربة الناس الي سافرت قبل).
آخر حاجة، كيف يحددولك موعد في السفارة، لازمك تهز دوسيك منظّم وفيه الأوراق المطلوبة الكل ومعاهم الرسالة الرسمية للموعد من عند السفارة.
ما تنساش باش تمشي في الوقت وتاخو نفس باهي وتوسّع بالك معاهم مليح وتفسّر بكل دقة وثقة في النفس سبب السفر متاعك.
اكتشاف المزيد من فرص عمل وتطوع بالخارج
اشترك للحصول على أحدث التدوينات في بريدك الإلكتروني.